عادات بسيطة في رمضان عشان تصلحي أظافرك من تلف الجل بوليش.

أكيد اتحطيتي في الموقف ده قبل كده —شيلتي الجل أو الأكريليك عشان رمضان وحسيتي إنها بداية جديدة لأظافرك وانها أخيراً بدأت تتنفس، لكن فجأة لاقيتي أظافرك ضعيفة، بتتقشر، وبتتكسر من أقل حاجة! 💔💅

ده طبيعي بعد فترة من استخدام الجل اللي بيعمل طبقة عازلة بين أظافرك وبين أي عوامل خارجية، فمش بتقدر تستقبل أي تغذية أو ترطيب، ف بتبقى ضعيفة وهشة جداً، بس متقلقيش، طبعاً في حل وحل بسيط كمان. 

هتاخدي فرصة انك تعالجي التلف اللي حصل واعتبري الفترة دي زي ديتوكس ليكي عشان تدي أظافرك فرصة انها تتجدد وترجع صحية من أول وجديد. ودي بعض النصائح والعادات البسيطة اللي هتساعدك تقوي أظافرك وتحافظي عليها حتى بعد رمضان.

💦 الترطيب: السرّ وراء أظافر قوية ومرنة

خديها قاعدة، أظافر جافة يعني أظافر ضعيفة، وطبعاً أظافر ضعيفة يعني تكسير أسرع. وده بيحصل لإن لما أظافرك تفقد الترطيب، بتبقى هشّة وعُرضة للتشققات أكثر. ودي نصايح عشان ترطبي وتقوي أظافرك من الداخل والخارج: 

✅ اشربي مياه كتير بين الفطار والسحور لأن الجفاف بيأثر على الأظافر زي ما بيأثر على بشرتك.

✅ اهتمي بتغذيتك، وكلي أطعمة غنية بالبيوتين زي البيض، اللوز، والأفوكادو، عشان تحفّزي نمو الأظافر بشكل أسرع.

✅ رطّبي أظافرك بزيوت طبيعية ومغذية زي استرونج اند لونج لإنه بيرطب الأظافر، وخاصة الجلد اللي حواليها وبيغذيها بعمق وده لإنه فيه زيوت مرطبة زي اللوز والزيتون والأرجان وكمان فيتامين E. 

💎 قوي أظافرك وخليها أكثر صلابة 

لو أظافرك ضعيفة وبتتكسر بسرعة، يبقى محتاجة تقويها وتخليها صلبة أكثر عشان متتكسرش بأقل مجهود، عشان كدة لازم تستخدمي جل مقوي للأظافر زي دايموند ريبير الغني بالكالسيوم والماغنيسيوم اللي بيساعدوا أظافرك تبقى سميكة أكثر وبيخلوها متتكسرش بسرعة. وكمان لإنه غني بالأحماض الأمينية، بروتين القمح، والهيالورونيك أسيد، بيعيد بناء البروتينات المفقودة وبيرطّب الأظافر بعمق. والميزة كمان انه بيتشرب في الجلد بسرعة ومش بيسيب ملمس دهني، وكمان مش بيأثر على الوُضوء💅✨

🚫🔧 متستخدميش أظافرك كأداة!

أكيد عملتي الحركات دي قبل كدة، فتحتي علبة أو برطمان بأظافرك، أو شيلتي استيكير السعر بأظافرك وطبعاً مش محتاجة تعرفي ان دي من أكثر الحاجات اللي بتتلف الأظافر. عشان كدة لازم تستخدمي أدوات مخصصة لفتح العلب أو لشيل أي حاجة صعبة.  

✂️ خلي أظافرك دايماً قصيرة عشان تكون أقل عُرضة للتكسير

الأظافر الطويلة والتالفة بتكون أكثر عرضة للتكسير، فالأفضل إنك تخليهم قصيرين معظم الوقت. استخدمي مبرد لطيف على الأظافرعشان ميبقاش قاسي عليهم أو يكسرهم أكثر. 

💅 التزمي بروتين الأظافر

عشان تلاقي نتيجة مُرضية وسريعة، لازم تستمري على الروتين بتاعك، لإن عدم الاستمرارية مش بيدي أفضل نتائج وكمان بياخد وقت طويل على ما يظهر أي اختلاف.