خليكي دايماً مشرقة في رمضان بطرق طبيعية: نصائح أساسية لبشرتك، شعرك وشفايفك

منقدرش ننكر ان رمضان هو شهر مليان بالحب والخير، بس هو ممكن كمان يكون تحدي كبير لبشرتك بسبب ساعات الصيام الطويلة وعدم شرب المياه باستمرار، وكثرة التعرض للمياة مع غسيل الأطباق والوضوء وتغيير الروتين بتاعك. 

لكن ما تقلقيش! مع الاهتمام الصح والاستمرارية ومع منتجات جوفياليتي الطبيعية، هتحافظي على بشرتك صحية ولامعة، وعلى شعرك قوي ومترطب، وعلى شفايفك ناعمة طول الشهر.

✨خلي دايماً بشرتك مترطبة

أثناء الصيام، الجسم بيفقد نسبة كبيرة من المياه والفيتامينات، وده بيخلي البشرة باهتة، جافة، ومعرضة للحبوب. علشان كده لازم تعوضي الجفاف ده بترطيب عميق:

🌿 رطبي جسمك من الداخل: بما إنك مش بتقدري تشربي مياه طول اليوم، لازم تعوضي السوائل بالليل. اشربي ٨-١٠ كوبايات من المياه بين الفطار والسحور، وكلي فواكه وخضروات غنية بالمياه زي الخيار، البطيخ، والبرتقال.

💧 رطبي بشرتك بعد كل غسلة أو وضوء: البشرة الجافة بتفقد مرونتها وبتبان باهتة، فاختاري مرطب غني يحافظ على نضارتها زي لوتون الستروبيري سموثي من جوفياليتي، كله مكونات طبيعية وبيرطب بعمق. 

💄 قللي استخدام الميك اب: بشرتك كمان محتاجة تتنفس! استخدمي منتجات خفيفة أو اكتفي بالمرطب والـصن بلوك علشان تحافظي على بشرة صحية ومتجددة.

💆‍♀️حافظي على قوة وصحة شعرك 

تعرفي إن قلة الترطيب ونقص العناصر الغذائية بيخلي شعرك جاف وضعيف؟ احمي شعرك بالنصائح دي:

🛁 زيت الشعر هو سر التغذية والقوة: تدليك فروة الرأس بالزيوت الطبيعية زي زيت ايفر لونج من جوفياليتي بيحفز الدورة الدموية، بيعزز نمو الشعر، وبيمنع الجفاف والتساقط.

🧖‍♀️ اعملي ماسك ترطيب أسبوعي: التعرض للمياه مع الوضوء وكثرة الاستحمام بيشيل الزيوت الطبيعية في فروة الرأس، وده ممكن يسبب جفاف الشعر. استخدمي ماسكات تغذية عشان ترطيبه بعمق.

🌙 احمي شعرك من التقصف والهيشان أثناء النوم: المخدات القطن بتمتص رطوبة الشعر وبتسبب هيشان، استخدمي كيس مخدة من الحرير أو الستان و ضفري شعرك عشان تقللي من التقصف.

🍽 كتري من الأكلات الغنية بالفيتامينات: جمال شعرك بيبدأ من التغذية السليمة! ضيفي البروتينات والحديد في أكلك، زي البيض، المكسرات، العدس، التمر، والزبادي في وجبات الفطار والسحور.

💋اتخلصي من تشقق الشفايف 

قلة الترطيب والجفاف ممكن يخلوا شفايفك تتشقق وتبقى مؤلمة، جربي النصائح دي:

🧖‍♀️ اعملي تقشير لطيف لشفايفك: الجلد الميت بيتراكم على الشفايف وبيخليها خشنة، استخدمي مقشر طبيعي زي الستروبري سموثي من جوفياليتي أو فرشاة أسنان ناعمة عشان تشيلي الجلد الميت.

💄 رطبي شفايفك بانتظام: استخدمي زبدة كاكاو بمكونات طبيعية عشان ترطب شفايفك بعمق، زي زبدة الكاكو ستروبيري سموثي من جوفياليتي. ولو عايزة نتيجة أفضل استخدميها قبل النوم.

💧 اشربي مياه كفاية: أول منطقة بيبان عليها الجفاف هي شفايفك، فحافظي على ترطيبها بإنك تشربي مياه كتير على قد ما تقدري.

وأخيراً 🌙

✔️ نامي كويس: جسمك بيريح نفسه وبيجدد خلاياه أثناء النوم، فاحرصي دايماً انك تنامي على الأقل ٦-٨ ساعات في اليوم. 

✔️ اختاري منتجات طبيعية: المواد الكيميائية القاسية بتجفف البشرة وتضر الشعر، استخدمي مكونات لطيفة على البشرة ومغذية.

✔️ التزمي بروتين ثابت: العناية اليومية بتفرق كتير! حتى الخطوات الصغيرة بتعمل فرق كبير على المدى الطويل.

ومع شوية عناية إضافية، هتفضلي متألقة طول شهر رمضان وكمان بعده 💖✨