العيد قرّب، وجت معاه الطقوس اللي مش بنقدر نستغنى عنها زي صلاة العيد ولمة العيلة والكحك واللبس الجديد. وطبعاً مش هننسى أهم طقس وهو "شاور العيد"، وده مش بيبقى أي شاور، ده بنستناه من العيد للعيد عشان نعمل كل السكين كير والهير الكير اللي بنحبهم وبنكسل نعملهم في الشاور العادي🌟
هنقولك على خطوات بسيطة شاملة كل الجسم عشان تخرجي من الشاور حاسة بالانتعاش ومغيرة مودك ومجددة طاقتك.
أول خطوة: روتين العناية بالشعر قبل الشاور 🌿✨
هتبدأي الأول بحمام الزيت عشان ده مهم جداً لتغذية شعرك من جذوره. ومهم انك تحطيه أطول وقت ممكن عشان كل المكونات الطبيعية تتغلغل بعمق جوة الشعر وتجيب نتيجة أفضل. ممكن تستخدمي زيت افير لونج لإنه مليان زيوت مغذية ومقوية زي: زيت اللوز، الخروع، الروز ماري، الجوجوبا، اللافندر، وفيتامين E. وطبعاً زي ما الزيوت دي بتغذي، هي كمان بتقوي الشعراية وبتساعد في انبات شعر جديد🌱💆♀️
وبعدها ممكن تحطي حمام كريم عشان ترطبي شعرك وترجعي لمعانه وصحته اللي فقدهم في جفاف فصل الشتاء. سيبيه أقل حاجة نص ساعة عشان يوصل للشعر كله ويرطب بعمق:
✨ لو شعرك كيرلي: استخدمي كيرل وندر.
✨ لو شعرك ويفي أو مفرود أكثر: استخدمي مويستشر باي.
وممكن كمان تحطي على شعرك فوطة سخنة عشان الزيوت والماسك يتشربوا بشكل أحسن ويخلوا شعرك أطرى ومش هايش🌸
🎶✨ جهزي الحمام بالمود اللي تحبيه
استغلي وقتك وأنتي حاطة الزيت والهير ماسك على شعرك وجهزي الحمام بالمود اللي تحبيه. شغلي الأغاني المفضلة ليكي وولعي شمعة بالريحة اللي بتحبيها هتحسي انك في سبا🎧💆♀️
✨💦متنسيش بشرتك وجسمك
ابدأي بتنظيف بشرتك بغسول مناسب، وبعدها استخدمي سكراب أو ماسك عشان ترطبي وشك وكمان تديه جلو.🚿 بعد كدة، خدي الدش بتاعك، هتبدأي بالشاور جل وبعده السكراب عشان تشيلي أي جلد ميت وتنعمي بشرتك. وآخر خطوة، اشطفي جسمك بمياه باردة أو فاترة عشان تديكي انتعاش.
✨ما بعد الشاور – ريحة تدوم وإحساس بالنعومة
بعد ما نظفتي بشرتك وجسمك، لازم ترطبي جلدك. استخدمي فيلفيت تاتش دراي أويل، لأنه قوامه خفيف، بيمتص بسرعة وبيرطب بشرتك بعمق وكمان مش بيلزق. والأهم ان ترطيبه هيقعد معاكي اليوم كله. وعشان ريحتك تفضل حلوة وتبقي منتعشة طول اليوم، ممكن تحطي بودي ميست طبيعي عشان ريحتك تدوم طول اليوم.
🦶متنسيش كعوبك. العيد بيكون مليان خروجات وعزومات ووقفة في المطبخ كتير عشان كدة، لازم متنسيش كعوبك وترطبيها ببالم القدم بالنعناع المنعش، عشان تحميها من التشققات والجفاف.
وبكدة، تكوني جاهزي فاضل بس تلبسي بيجامتك الجديدة وتجهزي لبس العيد للأيام الجاية😉💖
Share:
عادات بسيطة في رمضان عشان تصلحي أظافرك من تلف الجل بوليش.