Welcome to our store

الصيف يعني بحر وشمس وخروجات ولحظات حلوة، بس وقت ما بتكوني انتي مستمتعة بوقتك، شعرك مش بيبقى كدة دايماً، لأن الحر، الرطوبة، الكلور، والمياه المالحة ممكن ينشفوا شعرك ويأثروا على الزيوت الطبيعية اللي بيفرزها، وكمان يخلوه هايش. بس متقلقيش مع شوية نصايح وترطيب خفيف، شعرك هيفضل صحي ومترطب طول الصيف. تعالي نعرف الأول ازاي الحرارة والرطوبة بتأثر على شعرك. 


📌 إزاي الصيف بيأثر على شعرك؟


☀️الشمس: الأشعة فوق البنفسجية بتأذي الشعر وتخليه باهت وجاف

🌊الميّه المالحة: بتسحب الترطيب من الشعرة وبتخليها ناشفة ومجعدة

💧الكلور: بيشيل الزيوت الطبيعية اللي الشعر بيفرزها وبيضعفه مع الوقت

🌡️ الحر والرطوبة: بيزودوا الهيشان وبيخلوه يتكسر بسهولة


💡 طب تفتكري ايه الحل؟ دي نصايح بسيطة عشان تحافظي على ترطيب شعرك بطريقة طبيعية وكمان من غير ما تستخدمي منتجات تقيلة تجهد شعرك وتلزقه 


قبل البحر أو البسين: بلي شعرك قبل ما تنزلي المياه عشان لما الشعر بيكون مبلول من قبلها، بيشرب مياه أقل فبالتالي الضرر من مياه البحر المالحة أو الكلور بيكون أقل. ممكن كمان تحطي زيت للشعر زي زيت أفير لونج، عشان يعمل طبقة عازلة بين شعرك والمياه. 



وانتي قاعدة على البحر أو في الشمس البسي كاب او حاجة تغطي شعرك عشان تحميه من أشعة الشمس. وكمان ممكن تستخدمي سبراي أو ميست للشعر يكون فيه عامل حماية زي سموذ بلو


بعد ما تطلعي من البحر او البيسين، أغسلي شعرك على طول ومتسيبيش مياه الملح أو الكلور على شعرك لوقت طويل. 


وعشان تحافظي على ترطيب شعرك، حطي ليف إن بعد الشاور وشعرك لسة مبلول: 

💜 لو شعرك جاف أو تالف، مويستشر باي ليف إن هينقذك، لإنه فيه زيت أرجان وزبدة شيا، هيرطبوا شعرك بعمق ومن غير ما يعملوا تراكمات على شعرك. 

💜 لو شعرك كيرلي، يبقى كيرل وندر ليف إن، مناسب ليكي لإنه خفيف جداُ على الشعر ومليان زيت أفوكادو والو فيرا. 

💜 أما لو شعرك خفيف ومحتاجة فوليوم وترطيب خفيف من غير تلزيق، يبقى أكيد الهيالورون بوست ليف إن، لإن ترطيبه بيدوم لمدة 72 ساعة. 


🧖‍♀️ ومتنسيش الماسكات الأسبوعية عشان شعرك يفضل محافظ على ترطيبه طول الأسبوع. أهم حاجة تختاري نوع مناسب لشعرك ويكون قوامه خفيف. 

✨لو شعرك كيرلي وبتحسي انه دايماً مجهد وشكل الكيرلز بهتان، ماسك كيرل وندر بخلاصة الألو فيرا وزيت الأفوكادو، بيرطب شعرك بعمق وكمان بيغذيه ويقويه وبيقلل الهيشان.

✨لو شعرك ويفي، ماسك مويستشر باي هيبقى مناسب ليكي لإنه مش بس بيغذي ويرطب، هو كمان بيعالج التلف اللي حصل لشعرك بسبب الحرارة. 


💦 ومتنسيش تشربي مياه على قد ما تقدري لإن الترطيب الدخلي ميقلش أهمية عن الترطيب الخارجي. 


وأخيراً، خلي الترطيب جزء أساسي من روتينك الصيفي، وهتشوفي الفرق في اللمعة، النعومة، والراحة ✨

Latest Stories

لا يتضمن هذا القسم حاليًا أي محتوى. يمكنك إضافة محتوى إلى هذا القسم باستخدام الشريط الجانبي.