جهزي نفسك للصيف: اعرفي ازاي ترطبي جسمك وتغذية

بعد ما اتعودتي على المنتجات التقيلة في الشتا، جه الوقت انك تغيري لمرطبات أخف وفي نفس الوقت مغذية وفعالة. هقولك على تفاصيل بسيطة هتساعدك ترطبي جسمك من غير أي تقل أو تلزيق. 

بشرتك محتاجة مساحة تتنفس

المنتجات الثقيلة بتحسسك انك مش مرتاحه وبتاخد وقت على ما تمتص. ومع العرق والحر، المنتجات دي ممكن تقفل المسام وتسبب لك حبوب، عشان كدة، لازم تستخدمي منتجات خفيفة على بشرتك، بتمتص بسرعة وتدي نتيجة فعالة والأهم انها تخلي بشرتك تقدر تتنفس من غير ما يكون في حاجة تقيلة منعاها. ومن المنتجات المميزة اللي ممكن ترطبي بيها جسمك وكمان تديكي ريحة منعشة، هو لوشن الستروبيري سموثي.  تركيبة طبيعية غنية بفيتامين ه، بيحافظ على ترطيب بشرتك لفترة طويلة. كمان لو محتاجة ترطيب أعمق، يبقى فيلفيت تاتش بادي دراي اويل اختيار مناسب جداً ليكي. بيمتص بسرعة جداً ومش بيسيب أي تلزيق أو أحساس بالتزييت زي الزيت العادي. وكمان لإنه غني بزيت بذور الورد والمكاديميا، بيمتص فورًا ومن غير أي أثر دهني وكمان بيديكي ريحة منعشة.

وطبعاً عارفين قد ايه الشمس والبحر بيأثروا على جسمك وممكن يبقى أنشف من العادي، فمتنسيش السكين رسكيو بادي بالم، اللي بتبقى مناسبة جداُ للأماكن الناشفة زي الكوع والركب وعُقل الأصابع وده لإن ترطيبها عالى جداً عشان فيها زيوت طبيعية مُرطبة زي جوز الهند وكمان فيها زبدة شيا ودي من أكتر الحاجات اللي بتدي ترطيب عميق وكمان بتفتح الجسم، وأهم حاجة ان كل المكونات دي خفيفة على البشرة وبتتوزع بطريقة سهلة على الجسم. 

وكمان مش ناسيين ان كعوبك بتتأثر من الكتمة والحرارة وكمان من الوقوف لمدة طويلة، وفي الحالة دي بالم القدم بالنعناع هو اللي هينقذك لإنه غني بزيت النعناع وزيت جوز الهند وزبدة الشيا فهيكون مُرطب قوي وكمان هيساعدك تتخلصي من أي تشققات ويقلل من ألم الكعبين بسبب الوقفة والمشاوير الكتير والاحتكاك بالأحذية. 

ولو بتحسي إن الجلد حوالين أظافرك بيبقى ناشف، ده طبيعي جداً لأن الشمس والحرارة بيأثروا على الزيوت الطبيعية في الجلد، وكمان الكلور، ومياه البحر المالحة، والتكييف اللي بنقعد فيه بالساعات، كلهم بيأثروا على ترطيب الجلد حوالين الأظافر. طب تفتكري ايه الحل؟ الحل انك تستخدمي زيت مرطب للجلد حوالين الأظافر زي استرونج أند لونج كل يوم لإنه بيرطب أظافرك ومش بيخليها تتكسر بسهولة وبيخلي دايماً شكلها صحي وفيه حيوية.  

💡 نصيحة مهمة: اتجنبي الاستحمام بالمياه الساخنة — لأنها بتشيل الزيوت الطبيعية من بشرتك وبتخليها حساسة أكتر في الحر. استخدمي ماء فاتـر عشان تحافظي على حاجز البشرة بتاعك.